(တစ်)
ကျွန်တော်သည် ကြောင်တစ်ကောင်ဖြစ်ပါသည်။ ပိုပြီး တိတိ ကျကျ ပြောရလျှင် ကျွန်တော်သည် ကိုယ့်ကို ချစ်ခင် ယုယ သူများ၏ လက်ပေါ်တွင် အပျင်းကြီး နေသည့် ကြောင်တစ်ကောင် ဖြစ်ပါသည်။ ခြင်္သေ့များ၊ ကျားများနှင့် ကျားသစ်များသည် ကြောင်ကြီးမျိုးနွယ် အုပ်စုထဲတွင် ပါဝင်သည် ဟူသော သတ္တဗေဒ ပါရဂူတို့၏ အဆိုအရ ကျွန်တော်သည် အဆိုပါ အကောင်ကြီးများနှင့် အလိုလို နေရင်း ဆွေမျိုး တော်စပ်နေသူ လည်း ဖြစ်ပါသည်။ သို့သော် ကြောင်တစ်ကောင်သည် ဘယ်တုန်းကမှ ခြင်္သေ့လို ဟိန်းရန် ဟောက်ရန် ကြိုးစားခဲ့ဖူးခြင်း မရှိသည်ကို သင်သတိထားမိ ပါသလား။
စကားစပ်မိ၍ ပြောရလျှင် သင်ကော ကျွန်တော်ပါ နပိုလီယန်ကို ကောင်းစွာ သိကြသော်လည်း နပိုလီယန်၏ ယောက်ဖအမည်ကို (ဘယ်သမိုင်း စာမျက်နှာကမှ မော်ကွန်း မထိုးခဲ့သောကြောင့်) မသိခဲ့ကြပါ။ ထို့အတူ အိုင်းစတိုင်း ကိုသိသော်လည်း အိုင်းစတိုင်း၏ မယားဘက်က ပါသော တူတစ်ဝမ်းကွဲ၏ အမည်ကို ဘယ်သူကမှ ကြားဖူးလိမ့်မည် မဟုတ်တာ သေချာပါသည်။
(ကျွန်တော့် အယူအဆကို သင်နားထောင်လိုမည် ဆိုပါက လောက၌ လူတို့မလိုအပ်ပဲ လျှောက်လုပ်နေကြသော ကိစ္စများ အနက် ဆွေမျိုးစပ်ခြင်း အလုပ်သည် မင်္ဂလာဆောင် အခမ်းအနား ကျင်းပပုံနှင့် ခပ်ဆင်ဆင် တူကြောင်း ပြောလိုပါသေးသည်။ အတော် ရှုပ်ရှုပ်ထွေးထွေး လုပ်ရသော ကိစ္စဖြစ်ပြီး နောက်ပိုင်းတော့လည်း ဘာမှ မဟုတ်ပါ။ )
နပိုလီယန်နှင့် ဆွေမျိုးတော်စပ်ရုံမျှဖြင့် နပိုလီယန်လို ဟိန်းဟောက်တတ်ကြသော လူများနှင့်၊ အိုင်းစတိုင်းနှင့် ဆွေမျိုးတော်စပ်ရုံမျှဖြင့် အိုင်းစတိုင်းလို ဟိန်းဟောက် တတ်ကြသော လူများသည် လမ်းမှာ ကြောင်တစ်ကောင်နှင့် ဆုံလျှင် ဦးညွှတ် အရိုအသေ ပေးသင့်ပါသည်။
(နှစ်)
ကျွန်တော်သည် ငှက်ကုလားအုတ်တစ်ကောင် ဖြစ်ပါသည်။ အများသူငါ ပြောကြသော စကားအရ ငှက်ကုလားအုတ်သည် ရန်သူကို မြင်သည်နှင့် တစ်ပြိုင်နက် သူတို့၏ ဦးခေါင်း များကို သဲထဲတွင် ထိုးဝှက် ဖုံးကွယ် ထားလိုက်တတ်ကြောင်း သိရပါသည်။ မျက်စိများကို သဲဖုံးသွားသောကြောင့် ရန်သူကို မမြင်ရတော့ငြားလည်း တကယ်စင်စစ် ရန်သူမရှိတော့ခြင်း မဟုတ်ကြောင်း နားလည်အောင် ခက်ခက်ခဲခဲ ရှင်းပြစရာ မလိုအပ်လှသော်လည်း (ငှက်ကုလားအုတ်များနှင့် တစ်ချို့သောလူများအတွက်မူ) နားလည်ဖိ်ု့ အတော်ခက်ခဲကြောင်း သင် ခက်ခက်ခဲခဲ ကြိုးစားပြီးမှ သဘောပေါက်လိမ့်မည်။
ဉာဏ်မျက်စိကို ကျယ်ကျယ်ဖွင့်ထား မည်သူပြောခဲ့ပါသနည်း။
သင်သည် တစ်စုံတစ်ရာကို လေးခွဖြင့်ပစ်လိုပါက သင့်မျက်စိ တစ်လုံးကိုတော့ ပိတ်ထားပြီးမှ ချိန်ရန် လိုအပ်ပါလိမ့်မည်။ ကျေးဇူးပြု၍ မျက်စိများကို သိပ်ကျယ်ကျယ် မဖွင့်ပါနှင့်။
ဆယ်ထပ်တိုက်ပေါ်က ခုန်ချပြီး ကိုယ့်ကိုယ်ကိုယ် သတ်သေရန် သင်စိတ်ကူးထားပါလျှင်မူ သင့်မျက်စိ နှစ်လုံးစလုံးကို စုံမှိတ်ထားလိုက်ခြင်းသည်သာ အကောင်းဆုံး ဖြစ်ကြောင်း ကျွန်တော် အကြံပေးလိုပါသည်။
(သုံး)
ကျွန်တော်သည် နှံကောင်တစ်ကောင် ဖြစ်ပါသည်။ လောလောဆယ်တွင် ကျွန်တော် အစာရေစာ ငတ်မွတ်လျှက် ရှိပါသည်ဟု ပြောလျှင် သင်တို့အနေဖြင့် ပုရွက်ဆိတ်နှင့် နှံကောင် ပုံပြင်ကို ချက်ချင်း သတိရကြ လိမ့်မည် ထင်၏။ သင်ထင်ထားသည့် အတိုင်းပင်ဖြစ်ပါသည် ကျွန်တော့်ထံသို့ ပုရွက်ဆိတ်တစ်ကောင် ရောက်လာ၏။ သင့်အနေနဲ့ အချိန်ရှိတုန်းကတော့ အစာစုဆောင်းတဲ့အလုပ် မလုပ်ပဲ အချိန်ဖြုန်းနေခဲ့ပြီး အခုမှ ကျွန်ုပ် စုဆောင်းထားတဲ့ အစာတွေကို တောင်းဖို့ စိတ်မကူးပါနဲ့၊ မပေးနိုင်ဘူး ဟုပြော၏။
ကျွန်တော်အတော်စိတ်ဆိုးသွားပါသည်။ ဘာဖြစ်လို့များ၊ ပုံပြင်တွေထဲကအတိုင်း အားလုံးက လိုက်ပြီး သရုပ်ဆောင်နေ ကြပါလိမ့် ဟုလည်းတွေးမိ၏။
တကယ်ဆိုလျှင် ပုရွက်ဆိတ်နှင့် နှံကောင် ပုံပြင်သည် အတော် ရယ်စရာ ကောင်းပါသည်။ နှံကောင်က ဘယ်လိုအကြောင်းနှင့်မှ ပုရွက်ဆိတ်တစ်ကောင်၏ အစာကို တောင်းစားဖို့ မဖြစ်နိုင်ပါ။ (စားသော အစာပုံစံချင်း မတူသောကြောင့် ဖြစ်ပါသည်။)
နှံကောင်သည် အက်ကရီဒိုင်အီဒေး(Acridiidae)အုပ်စုဝင် ပိုးမွှားတစ်မျိုးဖြစ်ပြီး သစ်ရွက်စိမ်းများနှင့် သစ်ပင်ငယ်တို့၏ ပင်စည်များကိုသာ စားသောက်တတ်သော သတ္တဝါဖြစ်ပါသည်။
ပုရွက်ဆိတ်များမှာမူ ဟိုမင်းနော့ပ်တဲရာ(Ymenoptera)အုပ်စုဝင် ဖော်မစ်ဒီမျိုး စိတ်ဖြစ်သောကြောင့် ပျားရည်၊ သကြား၊ ထမင်းတို့ကဲ့သို့ အချိုရည်ပါသော ပစ္စည်း၊ အသားအစအနများနှင့် ပျကဲ့သို့သော ပိုးမွှားငယ်များကို စားပါသည်။ ပုရွက်ဆိတ်လိုမျိုး အစာကို ကြိုကြိုတင်တင် မစုဆောင်းထားရကောင်းလားဟု အပြစ်တင်နေမည့်အစား နှံကောင်စားသော အစားအစာသည် စုဆောင်းသိုလှောင်ထားရန် မဖြစ်နိုင်သော သဘောသဘာဝ ရှိကြောင်း အရင် နားလည်အောင် ကြိုးစားသင့်ပါသည်။
ချွေတာစုဆောင်း သူဌေးလောင်း ဆိုသည့်စကားကို မှားသည်ဟု ကျွန်တော် ပစ်ပစ်ခါခါ မပြောလိုပါ။ နှံကောင်အနေဖြင့် စုတတ်ဆောင်းတတ်မည်ဆိ်ုလျှင် သစ်ရွက်ခြောက်များ၊ သစ်ပင်ဆွေးများကို ပိုင်ဆိုင်သော ဇောတိက တစ်ကောင်ဖြစ်လာနိုင်စရာ ရှိသည်ဟုသာ ဖြေတွေးတွေးလိုက်ပါသည်။ ချွေတာစုဆောင်းနိုင်ရန် အခွင့်အလမ်းနည်းပါးလွန်းလှသည့် ဘဝများသည် လောကမှာ ရှိနေသေးသည့် အကြောင်း အခွင်အလမ်းသာသည့် တစ်ချိန်ချိန်တွင် ကျွန်တော်ပုံပြင် တစ်ပုဒ်ရေးပါဦးမည်။
မင်းခိုက်စိုးစံ
ကျွန်တော်သည် ကြောင်တစ်ကောင်ဖြစ်ပါသည်။ ပိုပြီး တိတိ ကျကျ ပြောရလျှင် ကျွန်တော်သည် ကိုယ့်ကို ချစ်ခင် ယုယ သူများ၏ လက်ပေါ်တွင် အပျင်းကြီး နေသည့် ကြောင်တစ်ကောင် ဖြစ်ပါသည်။ ခြင်္သေ့များ၊ ကျားများနှင့် ကျားသစ်များသည် ကြောင်ကြီးမျိုးနွယ် အုပ်စုထဲတွင် ပါဝင်သည် ဟူသော သတ္တဗေဒ ပါရဂူတို့၏ အဆိုအရ ကျွန်တော်သည် အဆိုပါ အကောင်ကြီးများနှင့် အလိုလို နေရင်း ဆွေမျိုး တော်စပ်နေသူ လည်း ဖြစ်ပါသည်။ သို့သော် ကြောင်တစ်ကောင်သည် ဘယ်တုန်းကမှ ခြင်္သေ့လို ဟိန်းရန် ဟောက်ရန် ကြိုးစားခဲ့ဖူးခြင်း မရှိသည်ကို သင်သတိထားမိ ပါသလား။
စကားစပ်မိ၍ ပြောရလျှင် သင်ကော ကျွန်တော်ပါ နပိုလီယန်ကို ကောင်းစွာ သိကြသော်လည်း နပိုလီယန်၏ ယောက်ဖအမည်ကို (ဘယ်သမိုင်း စာမျက်နှာကမှ မော်ကွန်း မထိုးခဲ့သောကြောင့်) မသိခဲ့ကြပါ။ ထို့အတူ အိုင်းစတိုင်း ကိုသိသော်လည်း အိုင်းစတိုင်း၏ မယားဘက်က ပါသော တူတစ်ဝမ်းကွဲ၏ အမည်ကို ဘယ်သူကမှ ကြားဖူးလိမ့်မည် မဟုတ်တာ သေချာပါသည်။
(ကျွန်တော့် အယူအဆကို သင်နားထောင်လိုမည် ဆိုပါက လောက၌ လူတို့မလိုအပ်ပဲ လျှောက်လုပ်နေကြသော ကိစ္စများ အနက် ဆွေမျိုးစပ်ခြင်း အလုပ်သည် မင်္ဂလာဆောင် အခမ်းအနား ကျင်းပပုံနှင့် ခပ်ဆင်ဆင် တူကြောင်း ပြောလိုပါသေးသည်။ အတော် ရှုပ်ရှုပ်ထွေးထွေး လုပ်ရသော ကိစ္စဖြစ်ပြီး နောက်ပိုင်းတော့လည်း ဘာမှ မဟုတ်ပါ။ )
နပိုလီယန်နှင့် ဆွေမျိုးတော်စပ်ရုံမျှဖြင့် နပိုလီယန်လို ဟိန်းဟောက်တတ်ကြသော လူများနှင့်၊ အိုင်းစတိုင်းနှင့် ဆွေမျိုးတော်စပ်ရုံမျှဖြင့် အိုင်းစတိုင်းလို ဟိန်းဟောက် တတ်ကြသော လူများသည် လမ်းမှာ ကြောင်တစ်ကောင်နှင့် ဆုံလျှင် ဦးညွှတ် အရိုအသေ ပေးသင့်ပါသည်။
(နှစ်)
ကျွန်တော်သည် ငှက်ကုလားအုတ်တစ်ကောင် ဖြစ်ပါသည်။ အများသူငါ ပြောကြသော စကားအရ ငှက်ကုလားအုတ်သည် ရန်သူကို မြင်သည်နှင့် တစ်ပြိုင်နက် သူတို့၏ ဦးခေါင်း များကို သဲထဲတွင် ထိုးဝှက် ဖုံးကွယ် ထားလိုက်တတ်ကြောင်း သိရပါသည်။ မျက်စိများကို သဲဖုံးသွားသောကြောင့် ရန်သူကို မမြင်ရတော့ငြားလည်း တကယ်စင်စစ် ရန်သူမရှိတော့ခြင်း မဟုတ်ကြောင်း နားလည်အောင် ခက်ခက်ခဲခဲ ရှင်းပြစရာ မလိုအပ်လှသော်လည်း (ငှက်ကုလားအုတ်များနှင့် တစ်ချို့သောလူများအတွက်မူ) နားလည်ဖိ်ု့ အတော်ခက်ခဲကြောင်း သင် ခက်ခက်ခဲခဲ ကြိုးစားပြီးမှ သဘောပေါက်လိမ့်မည်။
ဉာဏ်မျက်စိကို ကျယ်ကျယ်ဖွင့်ထား မည်သူပြောခဲ့ပါသနည်း။
သင်သည် တစ်စုံတစ်ရာကို လေးခွဖြင့်ပစ်လိုပါက သင့်မျက်စိ တစ်လုံးကိုတော့ ပိတ်ထားပြီးမှ ချိန်ရန် လိုအပ်ပါလိမ့်မည်။ ကျေးဇူးပြု၍ မျက်စိများကို သိပ်ကျယ်ကျယ် မဖွင့်ပါနှင့်။
ဆယ်ထပ်တိုက်ပေါ်က ခုန်ချပြီး ကိုယ့်ကိုယ်ကိုယ် သတ်သေရန် သင်စိတ်ကူးထားပါလျှင်မူ သင့်မျက်စိ နှစ်လုံးစလုံးကို စုံမှိတ်ထားလိုက်ခြင်းသည်သာ အကောင်းဆုံး ဖြစ်ကြောင်း ကျွန်တော် အကြံပေးလိုပါသည်။
(သုံး)
ကျွန်တော်သည် နှံကောင်တစ်ကောင် ဖြစ်ပါသည်။ လောလောဆယ်တွင် ကျွန်တော် အစာရေစာ ငတ်မွတ်လျှက် ရှိပါသည်ဟု ပြောလျှင် သင်တို့အနေဖြင့် ပုရွက်ဆိတ်နှင့် နှံကောင် ပုံပြင်ကို ချက်ချင်း သတိရကြ လိမ့်မည် ထင်၏။ သင်ထင်ထားသည့် အတိုင်းပင်ဖြစ်ပါသည် ကျွန်တော့်ထံသို့ ပုရွက်ဆိတ်တစ်ကောင် ရောက်လာ၏။ သင့်အနေနဲ့ အချိန်ရှိတုန်းကတော့ အစာစုဆောင်းတဲ့အလုပ် မလုပ်ပဲ အချိန်ဖြုန်းနေခဲ့ပြီး အခုမှ ကျွန်ုပ် စုဆောင်းထားတဲ့ အစာတွေကို တောင်းဖို့ စိတ်မကူးပါနဲ့၊ မပေးနိုင်ဘူး ဟုပြော၏။
ကျွန်တော်အတော်စိတ်ဆိုးသွားပါသည်။ ဘာဖြစ်လို့များ၊ ပုံပြင်တွေထဲကအတိုင်း အားလုံးက လိုက်ပြီး သရုပ်ဆောင်နေ ကြပါလိမ့် ဟုလည်းတွေးမိ၏။
တကယ်ဆိုလျှင် ပုရွက်ဆိတ်နှင့် နှံကောင် ပုံပြင်သည် အတော် ရယ်စရာ ကောင်းပါသည်။ နှံကောင်က ဘယ်လိုအကြောင်းနှင့်မှ ပုရွက်ဆိတ်တစ်ကောင်၏ အစာကို တောင်းစားဖို့ မဖြစ်နိုင်ပါ။ (စားသော အစာပုံစံချင်း မတူသောကြောင့် ဖြစ်ပါသည်။)
နှံကောင်သည် အက်ကရီဒိုင်အီဒေး(Acridiidae)အုပ်စုဝင် ပိုးမွှားတစ်မျိုးဖြစ်ပြီး သစ်ရွက်စိမ်းများနှင့် သစ်ပင်ငယ်တို့၏ ပင်စည်များကိုသာ စားသောက်တတ်သော သတ္တဝါဖြစ်ပါသည်။
ပုရွက်ဆိတ်များမှာမူ ဟိုမင်းနော့ပ်တဲရာ(Ymenoptera)အုပ်စုဝင် ဖော်မစ်ဒီမျိုး စိတ်ဖြစ်သောကြောင့် ပျားရည်၊ သကြား၊ ထမင်းတို့ကဲ့သို့ အချိုရည်ပါသော ပစ္စည်း၊ အသားအစအနများနှင့် ပျကဲ့သို့သော ပိုးမွှားငယ်များကို စားပါသည်။ ပုရွက်ဆိတ်လိုမျိုး အစာကို ကြိုကြိုတင်တင် မစုဆောင်းထားရကောင်းလားဟု အပြစ်တင်နေမည့်အစား နှံကောင်စားသော အစားအစာသည် စုဆောင်းသိုလှောင်ထားရန် မဖြစ်နိုင်သော သဘောသဘာဝ ရှိကြောင်း အရင် နားလည်အောင် ကြိုးစားသင့်ပါသည်။
ချွေတာစုဆောင်း သူဌေးလောင်း ဆိုသည့်စကားကို မှားသည်ဟု ကျွန်တော် ပစ်ပစ်ခါခါ မပြောလိုပါ။ နှံကောင်အနေဖြင့် စုတတ်ဆောင်းတတ်မည်ဆိ်ုလျှင် သစ်ရွက်ခြောက်များ၊ သစ်ပင်ဆွေးများကို ပိုင်ဆိုင်သော ဇောတိက တစ်ကောင်ဖြစ်လာနိုင်စရာ ရှိသည်ဟုသာ ဖြေတွေးတွေးလိုက်ပါသည်။ ချွေတာစုဆောင်းနိုင်ရန် အခွင့်အလမ်းနည်းပါးလွန်းလှသည့် ဘဝများသည် လောကမှာ ရှိနေသေးသည့် အကြောင်း အခွင်အလမ်းသာသည့် တစ်ချိန်ချိန်တွင် ကျွန်တော်ပုံပြင် တစ်ပုဒ်ရေးပါဦးမည်။
မင်းခိုက်စိုးစံ
No comments:
Post a Comment